Во Боливија запленети 7,5 тони кокаин

Полицијата во Боливија заплени 7,5 тони кокаин, наметен за продажба во САД и уапси тројца Боливијци, јави ТАСС.

- Дрогата е откриена во товарни камиони и запленета на граничен пункт на границата со Чиле. Кокаинот требало да биде префрлен во Хондурас, а оттаму во САД, изјави на пресконференција боливискиот министер за внатрешни работи Карлос Ромеро.

Тој прецизира дека во Хондурас таа количина дрога би чинела над 160 милиони долари, а во САД над 350 милиони долари.