Во Белград запленети 12 килограми кокаин

Белградската полиција заплени 12 килограми кокаин и три патнички возила, а уапси и две лица осомничени за трговија со дрога.

Од српското Министерство за внатрешни работи соопштуваат дека при претрес на становите и автомобилите што ги користеле осомничените биле пронајдени и одземени дрогата и возилата.

Двајцата приведени ќе останат во полициски притвор до 48 часа, по што против нив ќе биде поднесена кривична пријава пред Вишото јавно обвинителство во Белград.