Во Белгија 69 отсто од новозаразените се со омикрон мутацијата
Институтот за јавно здравје на Белгија соопшти дека сојот омикрон владее со новите инфекции.
Од сите новозаразени случаи 69 отсто се должат на омикрон сојот, кој станува мнозински како што предвидуваа научниците пред еден месец.
Сојот омикрон е позаразен од делта, но според првичните студии тој предизвикува помалку тешка форма на болеста. Сепак во Белгија интензивната нега е веќе под огромен притисок и научниците стравуваат дека со брзото ширење на омикрон болниците многу брзо би можеле повторно да бидат во ситуација да не можат да се справат со притисокот.
Последната недела од 2021 се детектирани 11.132 нови случаи што претставува зголемување од 79 отсто во споредба со претходната недела. Од овие 69 отсто се омикрон.
Зголемен е и бројот на нови хоспитализации за четири отсто, како и стапката на репродукција на вирусот. Кога оваа стапка надминува еден тоа значи дека вирусот забрзано се шири. Во Белгија тој е 1,14 во овој момент.
Истовремено властите сепак одлучија да го намалат траењето на карантинот и интензитетот на тестирање и покрај тоа што сојот омикрон е позаразен.
Популарно од Свет
Ново на Сител
-
Трамп имал „многу добри разговори“ со Путин, очекува брз крај на војните во Иран и во Украина
-
ПМФЛ: Вардар сигурен против Тиквеш, Пелистер победи во Струмица
-
Кој е човекот што пукаше на гала вечерата на Трамп со дописниците од Белата куќа
-
Кениецот Саве прв истрча маратон под два часа
-
Четворица малолетници ограбиле маркет во ГТЦ, при претрес пронајдени нож и електрошок
-
Маж од кичевско додека возел се пожалил на болка во градите, излетал од патот и починал
-
74-годишна жена паднала при нагло кочење на автобус во кој се возела и тешко се повредила
-
Контрола на полицијата на патниот сообраќај во неколку општини, уапсено едно лице, изречени 12 мерки
