Во Албанија 34 новозаразени со Ковид-19
Во Албанија, во последното деноноќие регистрирани се нови 34 случаи на Ковид-19 што е двојно повеќе споредено со вчера.
-Од извршените 247 тестови, позитивен резултат е покажан кај 34 од нив, што е за 19 случаи повеќе споредно со вчера. Иако денеска има голем број случаи, повеќето се асимптоматски, односно без знаци на заболување и главно се контакти со претходно заболени. Од вкупниот број новозаразени дури 18 се во Круја, кое е ново жариште на болеста, по појавата на заразени во производствен погон, стои во соопштението на Министерството за здравство и социјална заштита.
Според истиот извор во последните 24 часа оздравеле девет пациенти или вкупно до сега 403,додека не е регистриран случај на починат.
-Од почетокот на март до сега тестирани се 7.015 сомнителни случаи и потврдени се позитивни 712, односно околу 10 отсто од вкупниот број тестирани. Моментно 282 лица од вкупно заболените се активни со „Ковид-19“ и како што се гледа, процентот на закрепнување е поголем. Овој тренд продолжува да биде стабилен, наведува министерството.
Исто така информира дека во Инфективната клиника и во болницата „Шефќет Ндроќи“ на лекување се 40 пациенти, од нив осум се на интензивна терапија, од кои тројца се интубирани.
Најголем број од заболените и понатаму се од Тирана (289), потоа од Скадар (103), Курбин (83) лица.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто