Внукот на Сталин пронајден мртов во Москва
Во Москва е пронајден мртов еден од внуците на поранешниот советски лидер Јосиф Сталин, јави Би-Би-Си, повикувајќи се на извори од службата за брза помош.
Телото на Евгениј Џугашвили (80) е пронајдено во близина на неговиот дом во Москва, а причината за смртта засега не е утврдена.
Џугашвили бил познат по тоа што го бранел ликот и делото на својот дедо, а често пати тоа го правел и пред суд.
Пред Европскиот суд за човекови права лани тој го загуби случајот што се однесуваше на масакрот на полските воени заробеници во Катинската Шума во 1940 година.
Судот ја отфрли неговата жалба на написот објавен во весникот „Новаја газета“, во кој Сталин беше наречен „крвожеден канибал“.
Во текстот се наведуваше дека советските лидери, меѓу кои и Сталин, ја наредиле егзекуцијата на 20.000 полски заробеници.
Џугашвили се жалеше дека со текстот „е оцрнета репутацијата“ на неговиот дедо и дека е „полн со клевети“.
До Европскиот суд тој се обрати бидејќи повеќе руски судови ја отфрлија неговата жалба.
Џугашвили, исто така, тврдеше дека Советскиот Сојуз немаше да се распадне доколку неговиот дедо живеел подолго, а неодамна за рускиот претседател Владимир Путин рече дека „нема мозок“.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање