ВМРО-ДПМНЕ: Заев не прави ништо за подобрување на квалитетот на воздухот
Денес Заев освен тоа што е премиер на земјата со највисок криминал во Европа, тој е и премиер на земјата со најзагаден воздух во светот.
Зоран Заев е лицемерен и ги манипулира граѓаните. Денес зборува дека чистел за повисока еколошка свест, а веќе четири години е на власт и ништо не направи за подобрување на квалитетот на воздухот и почиста животна средина.
За каква еколошка свест зборува Заев, кога Струмица, каде што тој беше градоначалник 3 мандати руши рекорди во загаденост!?
Откако Заев е премиер Скопје е постојано на листата со најзагаден воздух во светот, а не многу подолу е и Куманово и Битола.
Зоран Заев го направи најголемиот буџет во историјата на Македонија, а средства одвоени за екологија се најниски до сега, пониски и од тие од времето на комунизмот.
Заев е премиер на кој му се случи хаваријата во ОХИС и низа други еколошки катастрофи. Заев е на власт веќе 4 години, а се однесува како да е член на невладина организација, а не 4 години премиер.
Лицемерието на Заев нема граници. Чистењето како денес нема да го спречи загадувањето, ниту ќе допринесе за почиста околина, има институции кои тоа треба да го прават секојдневно и за тоа земаат плата.
Хигиената нема да се подобри со еднократни акции каде се злоупотребува администрацијата и со сила се тера на акција. Туку со систематски мерки какви што до сега немаме.
Самиот факт што Македонија тоне во смет и се гуши во загаден воздух е една од милион причини поради кои Заев си заминува на 12 април.
Ново на Сител
-
Приватните превозници попладне ќе носат одлука дали од утре воопшто ќе возат
-
Преглед на вестите од светот
-
Матните настани за корупција, институциите да ги сфаќаат сериозно
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа