ВМРО-ДПМНЕ: Судот вчера падна под притисок и донесе срамна одлука

ВМРО-ДПМНЕ смета дека е срамна одлуката за притвор која вчера ја донесе Судот и оти нема никаква правна основа, туку е партиско политичка нарачка која треба да го означи политичкиот прогон во Република Македонија.

- Вчерашната одлука на судот го погреба концептот на правна држава. Судот вчера потклекна на притисоците и стана дел од сценариото на СДС и СЈО со кој започна да ги заплашува сите кои не размислуваат како Зоран Заев. Целта на овој притисок е јасна, да се заплашат сите оние кои се подготвени да се спротивстават на престојното распродавање на националните и државни интереси. Пораката на вчерашната одлука е или сите ќе клекнете на колена и ќе се откажете од борбата за Македонија или сите ќе заглавите во затвор, рече Орце Георгиевски од ВМРО-ДПМНЕ во изјавата пред Апелацискиот суд и нагласи дека со тоа интегритетот и независноста на судството е доведена во прашање.

Им порачуваме, посочи, никој нема да го исплашите, особено не тие кои се подготвени да стојат на браникот на државата и нејзините интереси.

- Ништо не е вечно. ВМРО-ДПМНЕ наскоро ќе се врати на власт и сите срамни и неправедни одлуки ќе бидат преиспитани, а секој што не работел согласно закон, туку под политички диктат ќе сноси одговорност, потенцира Георгиевски.