ВМРО-ДПМНЕ: СДСМ и Манчевски ја партизираат администрацијата
СДСМ и Манчевски ја дефокусираат јавноста од партизацијата на администрацијата, која забрзано ја спроведуваат.
За која професионализација на администрацијата зборува Манчевски, кога во првиот месец од доаѓањето на власт во владата ги вработија истакнатите кадри на СДСМ и таканаречената шарена револуција, како Бојан Маричиќ, Марјан Забрчанец, Влатко Васиљ, Никола Наумовски, Бубо Каров и плејада на други активисти.
Манчевски нема кредибилитет да зборува за реформи во администрацијата. Манчевски пред нецела седмица јавно призна дека спроведува партизација во администрацијата. Манчевски отворено кажа дека сите затекнати договори за привремено вработување биле прекинати, но и дека сега власта распишува нови.
Стратегијата на СДСМ е партизирање на администрацијата преку договори за привремено вработување без јавен оглас, кои за 3 месеци се трансформираат во договори на неопределено време.
СДСМ од доаѓањето на власт до сега има распишано неколку милионски огласи за привремени вработувања. 20 милиони денари се потрошени само за привремени вработувања во Владата, СОЗР, Бирото за јавни набавки и Собранието.
Секојдневие станаа договорите за привремени вработувања на локално ниво. Безборојни се примерите во општините Демир Капија, Велес, Ново Село, Берово и други.
Ова е билансот од 9 месечното владеење на СДСМ, целосна партизација и нула професионалност.
СДСМ ветуваше администрација која ќе биде во служба на граѓаните, сега создаваат партизирана администрација.
Центар за комуникации на ВМРО-ДПМНЕ
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица