ВМРО-ДПМНЕ реагира на изјавата на министерката Ташевска-Ременски
Пензионерите се уште една категорија граѓани за кои СДСМ дозна благодарение на работата на ВМРО-ДПМНЕ и мерките и реформите кои се преземани за подобрување на квалитетот на живот на овие групи граѓани, наведува ВМРО-ДПМНЕ во писмената реакција на денешната изјава на министерката за труд и социјална политика Фросина Ташевска - Ременски.
- Денешната изјава на Ременски е очаен обид за прикривање на бркањето на 44 Роми од Прифатниот центар Гевгелија. СДСМ не знаеше дека постојат пензионери и кога беше на власт. Тотално ги заборави овие граѓани и нивните потреби, освен кога требаше да им ги намали пензиите за 8 проценти. СДСМ ги делеше пензионерите во 3 категории и им доцнеше со исплаќањето на пензиите, се вели во реакцијата.
Партијата посочува дека од септември 2008 година пензиите се исплатуваат секоја прва седмица од месецот и оти просечната пензија е зголемена за 70,29 проценти, односно од 7.683 денари во 2006 година на 13.083 денари минатата година.
Осврнувајќи се на проектите наменети за оваа категорија граѓани, ВМРО-ДПМНЕ наведува дека покрај бањско-климатската рекреација започнато е и спроведувањето на проектот „Бесплатен туристички викенд“, обезбеден е бесплатен превоз за пензионерите во јавниот соообраќај, воведен е бесплатен викенд еднаш во месецот, отворени се дневни центри за стари лица, донесен е пакет поволности за израдба на приватни домови за стари лица и овозможено е бесплатно болничко лекување на корисници на пензија со износ на пензија до 12.600 денари.
Ново на Сител
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово
-
ДСЗИ повторно ќе оди во вонредна контрола на Токсикологија
-
Азески: Господ на помош на тој што ќе донесе милијарда евра
-
Преглед на вестите од светот