Македонија
18. February 2021 - 9:22

ВМРО-ДПМНЕ: Петтиот пакет на мерки нема да ја крене економијата

Зоран Заев ги остави фирмите без реална помош. 5 тиот пакет на мерки нема да ја крене економијата, туку само ќе го забрза колапсот.

Иако власта даде 350 милиони евра за економија од ветените 1.2 милијарди, нема никаков ефект. 55.000 луѓе останаа без работа.

Државата е задолжена, а никој не знае каде отидоа околу 900 милиони евра, пари кои беа ветени како мерки, но не легнаа ниту кај граѓаните, ниту кај стопанството.

Економијата колабира. Имаме пад на извозот и пад на БДП. Падот на Бруто домашниот производ во вториот квартал од 2020 година е поразителен, иако нашата земја не спаѓа во групата земји во кои туризмот игра значајна улога во создавањето на БДП, како што се медитеранските земји, Хрватска и Грција, од 38 економии за колку што постојат податоци, а само 9 имаат повисок пад на БДП од Македонија во вториот квартал на 2020 година, а 28 земји помал.

Мерките на Заев очигледно не се насочени за помош, тие не се правилно димензионирани и не го постигнуваат посакуваниот ефект.

Од мерките остануваат само пресовите на Заев, на кој гледајќи преку розеви очила ја убедува јавноста колку економијата блеска.

Центар за комуникации на ВМРО-ДПМНЕ