Вмрежување на домашни и мултинационални компании
Во хотелот „Double Tree by Hilton“ денеска ќе се одржи средба за вмрежување меѓу мултинационалните и домашните компании во Северна Македонија.
Настанот е во организација на Центарот за управување со промени – ЦУП и Finance Think – Институт за економски истражувања и политики, во рамки на проектот „Надминување на јазовите помеѓу домашните мали и средни претпријатија и мултинационалните компании“, кој е финансиски поддржан од Делегацијата на Европската Унија во Скопје.
Средбата ќе биде посветена на воспоставување на соработка помеѓу домашните мали и средни претпријатија и мултинационалните компании во Северна Македонија, преку директно вмрежување и дискусија на теми поврзани со: стандардизација и подобрување на квалитетот на производите и услугите, зголемување на капацитетите за производство и навремена испорака и можности за унапредување на деловната промоција и комуникација.
Најавено е дека на настанот ќе се обрати Зорица Апостолоска, министерка без ресор задолжена за странски инвестиции во Владата.
Ново на Сител
-
ВМРО-ДПМНЕ: Николовски потрошил близу 1 милион денари во ресторани
-
Невладините бараат измени на Законот за младински политики
-
ОПМ: Мерката за ограничување на маржите е корисна
-
Нова опасност за македонските сточари
-
Преглед на вестите од светот
-
Модуларната болница кај Инфективна ќе ја користи затворот Идризово
-
Конструиран младинскиот клуб во Собрание - Пратениците бараат институциите да ги слушнат младите
-
Реинкарнација на текстилното производство во Штип