Вмрежување компании од сите региони во Македонија
Во Центарот за развој на претприемачи и менаџери (ЦЕЕД) Македонија денеска ќе се одржат бизнис средби за вмрежување на компании од сите региони во земјата.
Целта на настанот е поврзување на фирмите учесници во Проектот на УСАИД за микро и мали претпријатија, кофинансиран од Владата на Швајцарија и имплементиран од ЦЕЕД.
Претставниците на компаниите на средбите ќе имаат можност да се запознаат едни со други, да ги претстават своите производи и услуги и да разговараат за потенцијални заеднички бизнис соработки.
Пред присутните ќе се обратат Татјана Марковска, менаџер од канцеларијата на УСАИД за економски развој и Анета Дамјановска, координатор на Националната програма, Амбасада на Швајцарија во Република Македонија.
Проектот на УСАИД за микро и мали претпријатија, кој започна со работа во јули 2011 година, ги поддржува микро и малите бизниси преку тренинг, вмрежување, менторство, консалтинг, поддршка на извозот и пристап до инвестициски фонд. Активностите на Проектот се имплементирани преку ЦЕЕД Македонија, кој е една од институциите во наследство на УСАИД.
Ново на Сител
-
Прва средба Муцунски-Герапетритис во Њујорк
-
Претседателката на Албанското собрание во Скопје – средба со Гаши, Ахмети и Филипче
-
Зголемена потребата од негуватели во Охрид
-
Во Штипската клиничка болница ќе се отвори Ургентен центар за тријажа на пациентите од источниот регион
-
Преглед на вестите од светот
-
Тема на денот со Александар Николоски, министер за транспорт и врски
-
Aнгелов: Законот за бранители на Славјанка Петровска е кукавичко јајце кој во реалноста не може да се спроведе
-
Академијата за судии и обвинители ќе добие нов директор, во трка седуммина кандидати