Влада: Не е именуван в.д. заменик на директор на КПД Идризово
Владата денеска соопшти дека не е именуван в.д. заменик на директор на КПД Идризово и бара СДСМ да не шири дезинформации во јавноста.
-Постоеше таков предлог за именување на в.д. заменик на директор на КПД Идризово, но по направените дополнителни проверки тој не е прифатен, велат од Владата.
Додаваат дека лицето кое СДСМ го посочил на прес-конференција нема да стапи на функција, и ќе има ново именување на позицијата на следната седница на Влада.
-Во однос на директорот на затворот во Прилеп за секој поединец има пресумпција на невиност, постоењето на кривична пријава без пресуда која е правосилна не е гаранција за сторено кривично дело, се вели во денешното соопштение од владината прес-служба.
Од Владата апелираат СДСМ да не шпекулира и да ја дезинформира јавноста.
Претходно денеска СДСМ на прес-конференција тврдеше дека осуден криминалец кој лежел 4 години затвор е именуван за в.д. директор на затворот Идризово, одделение Велес, како и дека лице кое има кривична пријава за „несовесно работење„ е именувано за в.д. директор на затворот во Прилеп.
Ново на Сител
-
Клековски: Лекови мора да има и ќе има за сите– имаме решение за проблемите во здравството
-
Истрага за две разбојништва извршени од 25-годишник во Скопје
-
ОН бараат Израел да го прекине „незаконското“ присуство на Западниот Брег и Источен Ерусалим во рок од 12 месеци
-
Најмалку тројца загинати, стотици ранети во нови експлозии во Либан
-
Исчезнато 45-годишно лице со здравствени проблеми од скопска Кисела Вода
-
Ограбена спортска обложувалница во Чаир
-
Драчевчанец споделувал експлицитни содржини од неговата малолетна девојка
-
Малолетник нападнат од повеќе лица во средно училиште во Бутел