„Висенте Калдерон“ домаќин на финалето на шпанскиот куп

Финалето на шпанскиот фудбалски куп ќе се изигра 27 мај на стадионот „Висенте Калдерон“ во Мадрид, одлучи Фудбалската федерација на Шпанија.

 

За трофејот ќе се борат екипите на Барселона и Алавес, но федерацијата не ги исполни желбите на финалистите.

 

Барселона сакаше финалето да се игра во Мадрид, но на „Сантијаго Бернабеу“, опција која беше отфрлена од Флорентино Перез претседателот на Реал Мадрид.

 

Од друга страна, Алавес бараше домаќин на завршниот дуел од Кралскиот куп да биде стадионот на Атлетико Билбао „Сан Мамеш“.

 

Финалето на купот ќе биде последниот голем фудбалски настан на „Калдерон“, бидејќи на крајот на оваа сезона стадионот ќе биде урнат.