Вирусот Зика регистриран и во Португалија
Вирусот Зика, што се пренесува со убод на комарец, потврден е кај пет лица во Португалија, кои неодамна престојувале во Бразил, но станува збор за полесни случаи, соопшти Националниот здравствен завод во земјата.
- До денеска имаме пет потврдени случаи, сите се заразени во Бразил. Тие луѓе не се во болница, и не им е потребна натамошна медицинска помош бидејќи се работи за полесни случаи, соопшти Заводот.
Вирусот Зика го пренесуваат исти комарци „аedes aegipti“ кои ја пренесуваат денга грозницата и жолтата грозница.
За овој вирус не постои лек, а инфекцијата предизвикува симптоми како температура, коњуктивитис и главоболки.
Светската здравствена организација претходно предупреди дека опасниот вирус Зика би можел да се прошири во голем број земји и оти најверојатно ќе дојде до ширење на вирусот во сите држави на Јужна и Северна Америка, освен во Канада и Чиле.
Вирусот е најопасен за бремените жени бидејќи влијае на фетусот, а децата се раѓаат со оштетувања на мозокот што може да предизвика и смрт.
Научниците тој вирус го поврзуваат со оштетувања на мозок кај повеќе илјади новороденчиња во Бразил.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд