Вински фестивал се одржа во Кавадарци
Тиквешки вински фестивал за првпат се одржа во Кавадарци, во организација на Здружението на семејни винарии, во соработка со Здружението на винари. На фестивалот можеа да се дегустираат производите на 16 семејни винарии кои произведуваат во домашни услови, две дестилерии, една мандра и една млекара. Изложени беа производи од грозје, како вина, ракии, вињаци, маџун, но и сирења и кашкавали.
Александар Клинчаров од Здружението на семејни винарии, изрази надеж дека настанот ќе прерасне во традиција.
Претседателот на Здружението на семејни винарии, Горан Јаковлевски посочи дека производството на вино, ракија и маџун се извршува во рамките на нивните семејства во домашните подруми.
– Овие прекрасни производи за жал не можат да се најдат во ниедна винска продавница или супермаркет, но со измените на Законот за вино кои се веќе направени и со измена на подзаконските акти и на некои правилници, нешто што очекуваме да се случи во брзо време, се надеваме дека набрзо нашите вина ќе се најдат на трпезите во нашата држава, додаде Јаковлевски.
Тој нагласи дека присутните имаат можност да го вкусат нивното производство и да се уверат во неговиот квалитет.
Блаже Миневски како член на винското витештво од нашата држава, додаде дека ним како производители, им е обврска да ја негуваат традицијата и да ја шират винската култура, промовирање на виното во земјава и странство.
Задоволство од настанот, изрази и Елена Богева, енолог и потпретседател на Здружението на винари.
– Наша заедничка цел е да се произведе што е можно поквалитетно вино, што е можно повеќе да се промовираме како винска земја, а сите добри домашни производители да регистрираат фамилијарни бизниси. И во иднина ќе работиме на унапредување на лозаровинарството и развој на винскиот туризам, нагласи Богева во изјава за МИА.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година