Вил Смит не смее да присуствува на Оскарите во следните 10 години

Американскиот актер, Вил Смит доби 10 годишна забрана да присуствува на галата на Оскарите и другите настани на Академијата, откако му удри шлаканица на Крис Рок на Оскарите, пренесува „Си-Ен-Ен“.

Во соопштението, Академијата објави дека 94-те Оскари биле „засенети од неприфатливото и штетно однесување што го видовме од г-дин Смит на сцената“. Забраната на Смит има за цел да ги заштити изведувачите и гостите и да ја „врати довербата во Академијата“.

Академијата соопшти дека во моментот на шлаканицата „била несоодветна реакција на ситуацијата во просторијата“ и дека била „неподготвена за невиденото“. Се извини за тоа. Исто така, му се заблагодари на Рок што „ја задржал својата смиреност под вонредни околности“.