Весели бара единство за да се затворат преговорите со Србија
Претседателот на Собранието на Косово, Кадри Весели изјави денеска дека за да се постигнат успешни резултати во преговорите со Србија неопходно е партиите на власт и оние од опозицијата да се обединат и да настапат едногласно, јави дописникот на МИА од Приштина.
Весели нагласи дека во овие преговори воопшто не доаѓа предвид да се отвори прашањето на територијалниот суверенитет на Косово, затоа што „територијата и институциите на земјата се едни и неделиви и им припаѓаат на граѓаните на Косово, од кои мнозинството од 92 до 93 отсто се Албанци“.
– Ние имаме горчливо минато и штом се спомене Србија ние несомнено чувствуваме болка и одредена антипатија кон тоа прашање, но секако дека треба да се заврши и тој дел. Јас верувам дека ќе се обединиме заедно, власт и опозиција, за да ги оставиме инаетите зад себе и да се ориентираме директно на затворањето на прашањето со Србија. Дефинитивно Косово е независна и суверена држава и тука нема никакви дилеми. Тука говориме само за односите Косово – Србија кон Европската унија. Но, во прашањето за иднината на Косово ние нема ниту да отвориме расправа околу таа работа, изјави собранискиот спикер во Качаник, каде што присуствуваше на пуштање во употреба на спортски објект.
Тој порача дека Албанците никогаш нема да се однесуваат кон Србите како што тие се однесуваа во минатото кон Албанците.
– Малцинските заедници во Косово имаат права речиси како во ниедна земја во Европа, рече Весели.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан