Велешкиот театар со „Театар, љубов моја“ гостува на „Бит фест“
Ансамблот на театарот „Јордан Хаџи Константинов-Џинот“ од Велес вечер ќе настапи на фестивалот „Бит фест“ во Битола со претставата „Театар, љубов моја“ од Валери Петров, во режија на Деан Дамјановски.
Се работи за македонска праизведба на истоимениот драмски текст од бугарскиот автор Валери Петров, напишан во 1981 година за бугарските актерки Тања Масалитинова и Славка Славова. Во оваа постановка играат четири актерки од четири различни генерации - Зорица Панчиќ, Кица Ивковска, Кети Борисовска и Талија Настова.
- Четири различни биографии и сензибилитети на сцената во една актерска гримиорна – место каде актерите се шминкаат и преоблекуваат, но и место каде се раѓаат митовите и легендите за театарот. Час и половина приказни, случки, досетки, мали закачки и љубомори, кои ја прават актерската „кујна“ толку богата што секој би сакал да ѕирне во неа и да го осети нејзиниот мирис и вкус, изјави режисерот Дамјановски.
Драматург на претставата е Сашо Димоски, сценографијата е на Филип Коруновски, костимографијата на Раде Василев, а автор на музиката е Сашко Костов.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид