Велешани го добија Офицерскиот дом
Општина Велес ќе го добие во сопственост Офицерскиот дом во градот согласно одлука на Владата од 22 мај, а на барање на општината, изјави денеска на прес-конференција градоначалникот на општината Аце Коцевски.
- Оваа одлука сметам дека е од големо значење за Велес и велешани. Наместо да зјае празен и да пропаѓа, ќе го вратиме животот во ова култно место за граѓаните. Во најскоро време Офицерскиот дом пак ќе биде центар на социјализацијата и дружењето за сите генерации велешани и ќе ја поттикне локалната економија, рече Коцевски, соопштија од општината.
Тој додаде дека ова е остварување на дел од визијата за Велес и одлуката на граѓаните за намената на Офицерскиот дом искажана на јавната расправа за капитални инвестиции.
- Во најкус можен рок ќе објавиме јавен повик за заинтересираните инвеститори и угостители, најави Коцевски кој упати јавна благодарност до Владата за брзата одлука и отворената можност за враќање на сјајот на Офицерскиот дом.
Површината на парцелата лоцирана на улицата „Благој Ѓорев“ бр. 1 е 2.663 м2. Објектот има подрумски простории, приземје, кат и поткровје, а од сите други страни е обиколен со парк. Приземјето опфаќа 201 м2. Катот има 17 простории, тераса и санитарии со површина од 162 м2, а поткровјето вклучува две простории со вкупно 53 м2.
Ново на Сител
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица