Вечер доделување на Златната топка, двајца фаворити
Церемонијата за доделување на Златната топка за 2025 година ќе се одржи вечер во Париз со почеток во 20 часот.
Името на победникот сè уште строго се чува во тајност и е познато само на едно лице. Имено, по минатогодишната церемонија, беше активирано правилото победникот да не биде известен пред самото објавување, а главниот уредник на Франс Фудбал, Винсент Гарсија, рече дека тој е единствениот човек кој го знае победникот.
Што се однесува до списокот на кандидати, на него има 30 имиња, но двајца се издвојуваат како фаворити. Усман Дембеле (ПСЖ) и Ламин Јамал (ФК Барселона), а се чини дека францускиот ас кој ја освои тројната круна со ПСЖ минатата сезона сè уште има мала предност.
Сепак, има и такви кои веруваат дека младиот Јамал ќе ја добие наградата за најдобар играч во светот врз основа на неговите одлични настапи во дресот на Барселона, како и во шпанската селекција.
Престижниот трофеј ќе се доделува врз основа на перформансите во текот на сезоната, наместо по календарска година како што беше случај претходно.
На церемонијата во театарот „Шателе“ во Париз ќе бидат доделени и награди за најдобар голман, најдобар стрелец и најдобар млад фудбалер.
Инаку, Златната топка се доделува од 1956 година, а Меси ја освоил наградата рекордни осум пати, додека Кристијано Роналдо бил најдобар пет пати.
МИА
Ново на Сител
-
Постапки против дилери на марихуана во Велес и во Скопје
-
Втора ноќ по ред неидентификувани дронови надлетуваа над воените бази во Данска
-
Претставен Меморијалниот парк во Тетово во спомен на загинатите во модуларната болница | ВИДЕО
-
Поранешен кинески министер за земјоделство осуден на смрт поради корупција
-
Г.г. Стефан: Со изградбата на „Свети Константин и Елена“ се надминавме себе си
-
Романец со сила одзел златен ланец на лице во Ѓорче Петров
-
Кривична против 28-годишен скопјанец, в затвор му нашле марихуана
-
Го прекинале кабелот кој водел до електричното броило и направиле штета на ЕВН од 1.377.911 денари - кривична за две лица