Ватикан: Транссексуалците можат да бидат крстени и да бидат кумови на крштевки и свадби
Транссексуалците можат да бидат кумови за крштевање и свадба и можат самите да се крстат, соопшти денеска Ватикан, одговарајќи на прашања на еден бискуп.
Дикастеријата за доктрината на верата не даде јасен одговор на прашањето дали истополовите двојки можат да крстат посвоено дете или дете родено од сурогат мајка.
Бискупот Хозе Негри од Санто Амаро, Бразил, во јули испрати шест прашања до ова тело на Ватикан за ЛГБТ заедницата и нивното учество во тајните на крштевањето и бракот.
Трите страници прашања и одговори беа потпишани од шефот на Дикастеријата, аргентинскиот кардинал Виктор Мануел Фернандез, а на 31 октомври ги одобри и папата Франциск. Тие денеска беа објавени на порталот на Дикастеријата на италијански јазик.
Одговарајќи на прашањето дали транссексуалците би можеле да се крстат, од Дикастеријата одговориле дека можат под одредени услови и доколку нема ризик од јавен скандал или збунување на верниците. Дикастеријата, исто така, одговори дека транссексуалците можат да бидат кумови со дискреција на локалниот свештеник, како и венчаните кумови, но локалниот свештеник треба да биде пасторално мудар кога ја донесува одлуката.
Личност во истополова врска може да биде кум на венчавката, одговориле од дикастеријата, повикувајќи се на канонскиот закон што не го забранува тоа. Одговорот е помалку јасен кога станува збор за лицата во истополови врски и нивната улога во крштевките.
Бразилскиот бискуп прашал и дали истополовата двојка која посвоила дете или го добила со помош на сурогат мајка може да го крсти тоа дете. Дикастеријата одговорила дека во тој случај мора да постои основана надеж дека детето ќе се образува во католичка вера.
Подеднакво нејасен е и одговорот на прашањето дали личноста во истополова врска може да биде кум, бидејќи дадениот одговор на Дикестеријата е дека човекот мора да води живот во согласност со верата.
Ново на Сител
-
„Ќе дојдам сабајле, како камион да ме згазил“, на денот на грабнувањето Палчо тврдел дека е настинат
-
Титаниум – Нов инстант лоз со возила на Државна лотарија
-
Еурофарм Пелистер очекува уште една победа против ракометарите на Фредериција
-
Трамп го номинира познатиот др.Оз да ја раководи сојузната агенција Медикер и Медикејд
-
Приведено лице на Табановце, ВИН бројот на возилото не бил ист со оној во сообраќајната
-
Меџити: И јас тврдам дека немаме закон за албанскиот јазик, ДУИ се во паника и без визија
-
Амбасадата на САД во Киев затворена поради потенцијален воздушен напад врз градот
-
Потпишување Договор за грант во вредност од 3 милиони евра за МЖСПП