„Вашингтон пост“: Обама наредил ликвидација на лидерите на Џебхат Фатх ал Шам во Сирија
Претседателот на САД Барак Обама издал наредба за ликвидирање на лидерите на терористичката група Џебхат Фатх ал Шам (поранешна Џебхат ал Нусра) на територијата на Сирија, објави „Вашингтон пост“ повикувајќи се на претставници на американската администрација.
Весникот наведува дека претходно Белата куќа ја игнорирала групата, но сега е насочена кон уништување на нејзиното раководство.
Претставник на Белата куќа наведе дека одлуката се должи на стравувањето на Обама дека дел од сириската територија, контролирана од Џебхат Фатх ал Шам, може да стане база за подготовување и извршување на терористички акти во Јужна Европа.
„Вашингтон пост“ потенцира дека наредбата на Здружениот штаб на началниците на армијата на САД покажува дека антитерористичката операција е приоритет за Вашингтон во Сирија, а не притисокот врз сирискиот претседател Башар ал Асад да поднесе оставка.
Весникот истакнува дека извршување на претседателската наредба почнала на почетокот од октомври и досега се ликвидирани четворица лидери на Џебхат Фатх ал Шам.
Во исто време американското Министерство за финансии воведе санкции за четворица лидери на Џебхат Фатх ал Шам поради терористичка дејност и поддршка на тероиристички групи. Целта била финансиско, но и воено уништување на групата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп