Вашчиковски: Трамп има право да забрани влез за бегалците во САД

Полскиот министер за надворешни работи Витолд Вашчиковски ја поддржа одлуката на американскиот претседател Доналд Трамп за забрана за влегување на мигранти од седум муслимански земји на американско тло, изјавувајќи дека секоја суверена земја има право да одлучува за својата имиграциска  политика.

- Ниту една држава нема должност да ги прифати имигрантите, рече тој за полската телевизија „Послат њуз“ и додаде дека Трамп е избран претседател кој има право да ја воведе забраната, пренесуваат американските медиуми.

Вашчиковски е член на конзервативната влада која жестоко се противи на прифаќањето муслимански бегалци.