Вардар убедливо го совлада Рајн Некар

 

 Македонскиот првак Вардар ја оствари и шестата победа во ракометната Лига на шампиони. 

 

Вардарци вечерва на гостувањето во Франкфурт, го совладаа германскиот тим Рајн Некар со 33-27 полувреме 17-16.

 

Најефикасен во редовите на „црвено-црните“ беше Хуан Канељас кој постигна 10 годови, дедека Лука Циндриќ постигна 7, а Хорхе Македа беше стрелец на 4 гола. 

 

Вчеравечер во дуел од истата Б група, европскиот првак Киелце како гостин го совлада ППД Загреб со 23-26. 

. 

Останатите две средби од оваа група, Мешков Брест – Целје и Кристијанштад – ПИК Сегед, ќе се играат во сабота. 

 

На табелата, водечки е Вардар сега со 12 бодови, пред Киелце кој има 10, а по нив следуваат: Рајн-Некар 9, ПИК Сегед 7, Мешков Брест 6, Кристијанштад 3, Целје 3 и ППД Загреб 2.

 

Покрај натпреварот во Франкфурт, вечерва се одиграа уште две средби од 7.коло во Лигата на шампионите. Во рамките на А групата, Висла Плок – Кадетен Шафхаузен 33-26 додека во Д групата, Динамо Букурешт со 30-25 го совлада Холстебро. 

 

Македонскиот вицепрвак Металург својот натпревар од ова коло ќе го игра во недела од 18:15 часот и тоа на гостувањето кај Евлерум.