Вардар против Мешков без Дисингер, Борозан и Горбок
Актуелниот шампион во СЕХА лигата, Вардар на утрешниот дерби дуел против Мешков, кој е на програмата од 17:15 часот во СЦ „Јане Сандански“, ќе настапи без тројца играчи – Кристијан Дисингер, Вуко Борозан и Сергеј Горбок.
Германскиот ракометар доби повреда на саботниот натпревар против Монпелје во ЛШ. По прегледите констатирано е дека нема посериозна повреда, но тој чувствува болки, и затоа ќе одмора неколку денови.
Вуко Борозан и Сергеј Горбок се уште се опоравуваат, но нема да настапт утре против Мешков.
Тренерот на „црвено-црните“, Роберто Парондо, на пресот пред мечот изјави дека тимот немал многу време за да се подготви за овој натпревар, но како и секогаш, нивната цел е победа.
– Пред два дена, ја завршивме групната фаза во Лигата на шампионите и треба да се подготвиме за нокаут фазата. Исто така, ќе играме на Ф4 во СЕХА лигата, но дотогаш имаме уште 3 натпревари во кои ќе се обидеме да ја подобриме нашата игра и формата, изјави Шпанецот.
Средбата против белорускиот шампион е последен за Вардар пред домашна публика во регионалната лига, а потоа следуваат гостувања кај Нексе и Извиѓач.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот