Вакцината против коронавирусот на Оксфорд го подготвува имунолошкиот систем
Вакцината против коронавирусот, што ја развива Универзитетот во Оксфорд, се чини дека е безбедна и го подготвува имунолошкиот систем.
Испитувањата, во кои учествувале 1.077 луѓе, покажале дека после инјекцијата организмот создал антитела и бели крвни клетки кои можат да се борат со коронавирусот.
Наодите се многу ветувачки, но сè уште е премногу рано да се знае дали тоа е доволно за да се обезбеди заштита, и во тек се поголеми испитувања.
Велика Британија веќе нарача 100 милиони дози од вакцината.
Вакцината – наречена ChAdOx1 nCoV-19 – се развива со невидена брзина.
Најголемиот дел од фокусот на коронавирусот досега се однесуваше на антитела, но тие се само еден дел од имунолошка одбрана на човечкиот организам.
Антителата се мали протеини кои ги создава имунолошкиот систем и кои се лепат на површината на вирусите.
Неутрализирачки антитела можат да го спречат коронавирусот.
Т-клетките, еден вид бели крвни клетки, помагаат во координирање на имунолошкиот систем и се способни да забележат која од клетките на телото е заразена и да ја уништи.
Речиси сите ефективни вакцини предизвикуваат и антитела и одговор на Т-клетките.
Кај вакцината од Оксфорд, нивоата на Т-клетките го достигнале максимумот 14 дена по вакцинацијата, а нивото на антитела го достигнало врвот по 28 дена. Студијата не трае доволно долго за да се утврди како изгледа долгорочниот имунитет.
Сепак, има несакани ефекти.
Нема опасни несакани ефекти од вакцината, но сепак, 70 проценти од луѓето вклучени во испитувањето имале или температура со треска или главоболка.
Истражувачите велат дека тоа може да се реши со парацетамол.
– Има уште многу работа да се направи пред да можеме да потврдиме дали нашата вакцина ќе помогне во справувањето со пандемијата на Ковид-19, но овие првични резултати ветуваат, изјави Сара Гилберт, професорка на Универзитетот во Оксфорд.
Ново на Сител
-
Монструмот откако ја убил малата Данка седнал да руча во летниковецот
-
Пронајдено бебе во контејнер во близина на Загреб
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното