Успешен лет на воен авион со масло за јадење како гориво
– Британските Кралски воздухопловни сили (РАФ) успешно го завршија пробниот лет на огромен воен транспортен авион којшто користел масло за јадење како гориво, објави „Кликс“.
Имено, РАФ го одржа летот користејќи 100 отсто одржливо воздухопловно гориво (САФ), што е првпат во историјата на Обединетото Кралство за каков било авион. Тестот ја користеше воената верзија на „Ербас А-330“ – „РАФ Војаџер“, којшто леташе над Оксфордшир, отворајќи нови можности за иднината на воените и цивилните авиони.
САФ се произведува од одржливи суровини, како што е искористено масло за јадење, а испуштањето јаглерод е до 80 отсто помало во споредба со конвенционалното млазно гориво. Целта е да се намали зависноста на РАФ од светските синџири за снабдување со гориво, да се зголеми оперативната еластичност и да се намали нејзиниот јаглероден остаток.
– Тие треба да бидат горди на ова достигнување. Ова е голем чекор напред за РАФ, како и за Министерството за одбрана. Велика Британија го предводи патот во развојот на идните оперативни способности во светот погоден од климатските промени, рече британската министерката за одбрана, Анабел Голди.
Пробниот лет траел 90 минути, а имало и симулација на полнење гориво во воздухот.
Велика Британија цели кон нула нето-емисии на јаглерод до 2050 година.
Ново на Сител
-
Путин најави дека Русија во јули ќе почне да распоредува нуклеарно оружје во Белорусија
-
Ковачевски: Лидерската покажа дијаметрално променето мислење за уставните измени на ВМРО-ДПМНЕ
-
Од утре онлајн-аплицирање за упис во средните училишта
-
СПМ: Меџити работи на штета на македонските граѓани, дури и ги убедува дека е тоа за нивно добро
-
Ѓорѓиевски најави финансиска помош за Делчево
-
Жителите на Слупчане : Ќе го платиме долгот кон ЕВН, ако ни ги отпишат каматите
-
ЈП Паркови и зеленило: Се отстрануваат сувите дрвја во Градски парк
-
Од утре онлајн-аплицирање за упис во средните училишта