Уште тројца демонстранти убиени во судирите со безбедносните сили во Багдад
Уште тројца демонстранти загинаа во денешните тешки судири со безбедносните сили во центарот на Багдад, соопштија ирачките власти.
Со ова бројот на убиени во денешните судири во ирачкиот главен град достигна седум жртви.
Официјални безбедносни и здравствени претставници соопштија дека попладнево се убиени тројца демонстранти, а 24 се повредени во судирите со безбедносните сили кои користеле солзавец, звучни бомби и боева муниција за да ги растераат.
Во судирите во текот на ноќа во Багдад загинаа четворица демонстранти, а десетици беа повредени.
Од 1 октомври, во Багдад и јужен Ирак се одржуваат антивладини протести на кои се бараат реформи и заминување од власт на политичарите, кои, наводно, се корумпирани и некомпетентни.
Според полицијата и болнички извори, од почетокот на протестите се убиени повеќе од 330 лица.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024