Свет
20. April 2018 - 21:01

Уште едно пукање на Флорида: Ученик пукал во училиште па го ранил другарот

Еден ученик во средното училиште во Окала, на Флорида, е ранет денеска во пукање, а осомничениот напаѓач е успсен и ставен во притвор, соопшти полицијата.

Членката на училишниот одбор Ненси Стејси за Фокс њуз рече дека осомничениот напаѓач исто така е ученик.

Пукањето се случило во средното училиште „Форест“. Напаѓачот другарот го ранил во глужд.

Мотивите за нападот, како и идентитетот на двајцата ученици, за сега не се познати.

Си Ен Ен наведува дека ова школо е рангирано како едно од најдобрите средни училиша во оваа американска сојузна држава и дека има околу 2.100 ученици,

До најновото пукање дојде за нешто повеќе од два месеци откако во уште едно средно училиште во Паркленд, исто така на Флорида, 17 ученици и професори се убиени од огнено оружје.