Уште двајца повредени во трката со бикови во Памплона
Две лица се повредени денеска во трката со бикови што традиционално се одржува во градот Памплона во северна Шпанија. Тие меѓутоа, не биле прободени со рогови, какви што беа некои случаи претходниве денови.
Заменик-директорот на регионалната болница, Томас Белсунеги изјави дека еден маж го скршил зглобот, а другиот си ја удрил главата.
Трката со бикови долга 850 метри, денеска траеше нешто повеќе од две минути, со што е најбрзата трка за годинешното издание на фестивалот.
Фестивалот на Свети Фермин трае девет дена, при што секое утро посетителите бегаат пред бикови, коишто пак, потоа учествуваат во борба во арена. Настанот обично привлекува околу милион посетители од цел свет.
Претходно, двајца државјани на САД и двајца Шпанци, беа повредени во трките кои започнаа во неделата.
Ново на Сител
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица
-
Измени во Законот за возила, станиците за технички преглед ќе даваат потврда за регистрирано возило
-
Полицијата викендов во контроли на угостителски објекти во Куманово, констатирани прекршоци
-
Енормно зголемена потрошувачката на вода во Скопје, можни се рестрикции и намален притисок
-
Струшките плажи и годинава без спасители на вода
-
За шест часа казнети 600 возачи
-
Бензините и дизелот поскапуваат за 1,5 денари