УС Опен: Втора титула за Ѓоковиќ во Њујорк

Најдобриот светски тенисер Новак Ѓоковиќ победи на УС Опен откако во финалето ноќеска го совлада вториот играч на светот Рожер Федерер со 3:1 во сетови (6:4; 5:7; 6:4; 6:4).

Ова за Ѓоковиќ е втора титула освоена во Њујорк (првата во 2011).

Дуелот подобро го почна Ѓоковиќ кој оствари водство, а потоа Федерер кој го крена нивото на игра успеа да изедначи на 1:1 во сетови. Во третиот и четвртиот сет повторно нијани решаваа за подобриот во овој случај Ѓоковиќ.

Ѓоковиќ по 10.ти пат освои Грен слем титула, а оваа година играше во финалето на сите четири Грен слем турнири и победи во Мелбурн, Лондон и Њујорк, а загуби само во Париз од Вавринка.

По триумфот Ѓоковиќ изјави:

- Беше многу тежок меч.Знаев дека ќе биде агресивен и дека нивото на неговата игра нема да паѓа. Знаев дека мора да играм така за да го освојам овој пехар. Ова беше неверојатна вечер за мене.