УНРВА: Израелската армија пукаше во нашиот конвој во Газа

Агенцијата на ОН за палестински бегалци (УНРВА) денеска објави дека израелската армија пукала во еден од нејзините хуманитарни конвои во Појасот Газа и го осуди таргетирањето на хуманитарните работници.

Директорот на УНРВА во Газа, Томас Вајт, на социјалната мрежа „Х“ напиша дека израелските војници „пукале врз хуманитарен конвој додека се враќал од северот на Појасот Газа, користејќи рута одредена од израелската армија“.

-Нашиот водач на меѓународниот конвој и членовите на неговиот тим не беа повредени, но едно возило беше оштетено. Хуманитарните работници никогаш не треба да бидат цел, рече Вајт.

Во конвојот било пукано вчера попладне, а израелската армија соопшти дека ја проверува информацијата.