УНИЦЕФ: Африка има потреба од 11 милиони мeдицински лица и учители

Детскиот фонд при ОН (УНИЦЕФ) соопшти денеска дека, во Африка до 2030 година ќе има потреба од уште 11 милиони лекари, медицински сестри и учители, со цел да биде спречена „социјално-економската“ катаклизма, што ќе принуди милиони лица да мигрираат. 

Тие 11 милиони лица му се потребни на континетот за да се справи со порастот на населението, бидејќи во следните 13 години се очекува бројот на децата во Африка да се зголеми до 750 милиони. 

УНИЦЕФ, високата стапка на наталитет на населението, ја препишува на зголемениот број на жени чија возраст е прикладна за раѓање на деца, како и на падот на смртноста кај децата. 

УНИЦЕФ констатира, дека до крајот на веков секое второ дете во светот ќе живее во Африка.