Украинските сили соборија руски борбен авион вреден 50 милиони долари
Украинската армија собори моќен руски борбен авион „Су-30М“ за време на операција во Црното Море, соопшти денеска украинската воена разузнавачка агенција ХУР.
Според се уште непотврдени информации, соборувањето на авионот било извршено со рачен фрлач на противвоздушни ракети, пишува „Одеса журнал“.
Русите изгубиле контакт со млазниот авион вчера околу пет часот наутро.
Околу три часа подоцна тие почнаа операција за пребарување и спасување во која беа вклучени авионите „Ан-26“, како и хеликоптерите „Ми-8“ и „Ка-27“, објавија украински извори.
Околу седум часа подоцна, тие пријавиле во командата за карактеристична дамка од воздухопловно гориво откриена во морето, 70 километри северозападно од Кејп Тарканкут, а наскоро ги виделе и остатоците од уништениот „Су-30СМ“, велат Украинците.
„Су-30М“ е еден од помодерните руски борбени авиони чија цена е околу 50 милиони американски долари.
Авионот што се урна во морето припаѓал на 43-от посебен полк на поморската авијација на руските вооружени сили, што се наоѓа на аеродромот во градот Сака, на окупираниот Крим.
Ново на Сител
-
Македонија воздржана: Генералното собрание на ОН ја поддржа палестинската резолуција за ставање крај на израелската окупација
-
Три последователни земјотреси ја погодија Грција
-
Софија реагира и обвинува за „провокации и навреди“ од Скопје
-
До крајот на месецов јавноста може да се вклучи во изработка на пет закони од образованието
-
Тајван ги зајакнува безбедносните врски со САД и сојузниците
-
Бурата „Борис“ предизвикува поплави и свлечишта во Италија
-
Годишниот извештај на Советот на јавни обвинители пред Комисијата за политичкиот систем
-
Мицкоски во посета на Брисел