Украинскиот премиер Шмихал побара уште модерно оружје од ЕУ
Украинскиот премиер, Денис Шмихал, кој денеска учествуваше на осмиот Совет за асоцијација со ЕУ, побара дополнителна воена помош од партнерите во Европа, јави дописничката на МИА од Брисел.
Осмиот Совет за асоцијација меѓу ЕУ и Украина се одржа денеска во присуство на украинскиот премиер и високиот претставник за надворешна политика на ЕУ, Жозеп Борел, заедно со еврокомесарот за проширување, Оливер Вархеји.
ЕУ повтори дека стои безрезервно зад Украина против руската агресија, и дека целта на Унијата е Украина да стане демократска и просперитетна држава, меѓу другото преку реформскиот процес за зачленување во ЕУ. Украина стана земја кандидат за членство во јуни оваа година.
Шефот на ЕУ дипломатијата, Жозеп Борел, рече дека “светот е различно место денеска“, по војната во Украина, и ја поздрави храброста на украинскиот народ кој се бори против тешко вооружена и голема руска армија.
-Украина се бори за својата слобода и за сите нас, како што рекоа многу европски лидери, вашата борба е наша борба, рече Борел.
Тој се осврна и на ситуацијата со нуклеарната централа во Запорижје и ја повика Русија да стави крај на своето неодговорно однесување, Запорожје да остане демилитаризиран интегрален дел од Украина. Борел, исто така, ги поздрави големите реформски напори на Киев на патот кон членство во ЕУ.
Украинскиот премиер, од своја страна, уште еднаш се заблагодари за воената помош што ја добива неговата земја од ЕУ преку Европскиот мировен фонд, но рече дека на Украина и е потребно уште модерно оружје за да се брани од Русија. За Украина е важно, исто така, да се воведе целосно ембарго врз целата енергетска индустрија на Русија во ЕУ, како и да се исклучат сите руски банки од меѓународниот финансиски систем.
Освен воена помош, Украина доби и соработка во областа на дигиталната политика на ЕУ, царинско олеснување и укинување на роамингот со ЕУ.
Ново на Сител
-
Паднато дрво кај месноста Баткова Чешма го отежнува движењето на возилата на патот Делчево - Македонска Каменица
-
На повикот за проекти во вкупна вредност од 250 милиони евра во текот на вчерашниот ден аплицирале 10 до12 општини
-
Протест пред полициската станица во Косовска Митровица поради апсењето на четворицата српски младинци
-
Мицкоски за преговорите со Бугарија: Да почекаме таму да се случи политичка Влада, за да видиме дали постои желба за дијалог
-
Ќе има и есенска и пролетна кошничка, Владата ќе му излезе во пресрет на стопанството за Законот за нефер трговски практики
-
Приведен дилер од Тетовско за издржување казна затвор од четири години
-
ЦУК: Зголемување на водостоите на реките, не постои опасност од излевање
-
ВМРО-ДПМНЕ бара сите пратеници да го поддржат Предлог законот кој ќе овозможи линеарно покачување на пензиите