Украинска авиокомпанија: Воопшто не се сомневавме во нашиот екипаж

Претседателот на украинската компанија „Интернешнал ерлајнз“ денеска соопшти дека никогаш не верувал оти екипажот на нивниот авион „Боинг 737-800“, кој е соборен над Техеран, предизвикал уривање, при што загинаа сите 176 патници и членови на екипажот.

Тој ја даде изјавата откако утрово иранските власти признаа дека патничкиот авион во средата „ненамерно бил соборен“ од иранската војска.

– Ниту една секунда не се сомневавме дека нашиот екипаж и авион предизвикале таква страшна авионска несреќа. Тоа беа нашите најдобри луѓе. Најдобри, нагласи претседателот на авиокомпанијата.

Меѓу загинатите во несреќата биле 11 Украинци, вклучувајќи девет членови на екипажот.