Украина одбива учество во ПССЕ поради Русија

Украинската делегација одби да учествува на седницата на парламентарното собрание на Советот Европа поради враќањето на руската делегација во организацијата. Тоа го нагласи претседателката на украинската делегација во ПССЕ, Јелисавета Јаско. 

Заменик-претседателот на руската државна дума Пјотр Толстој изјави дека жали што украинската делегација одбила да учествува на есенската сесија на ПССЕ, што ќе се одржи во Стразбур од 30 септември до 4 октомври.

ПССЕ исто така нагласува дека Киев е должен да испрати делегација.

Шефот на една од политичките групи во ПССЕ, Тини Кокс, изјави дека сите земји-членки треба да учествуваат во работата на законските тела на Советот на Европа, како што е предвидено во резолуцијата „За улогата и мисијата на ПССЕ и нејзините идни задачи“, донесена со мнозинство од три четвртини минатата година.