Укинати забраните за сообраќај за тешки товарни возила, се препорачува внимателно возење
Од утринава се укинати сите забрани за сообраќај за тешки товарни возила кои беа воведени поради снежните врнежи во земјава, но се препорачува внимателно возење и прилагодување на брзината кон условите на патот.
Според информациите од Авто мото сојузот на Македонија и јавното претпријатие „Македонијапат“ укинати се забраните на планинскиот превој Плетвар, Стража, Ѓавато, од село Рогачево до граничниот премин Јажинце, од Струга кон граничниот премин Ќафасан, Маврово-Дебар, како и од Крива Паланка кон граничниот премин Деве Баир.
Од Управата за хидрометеоролошки работи за денеска најавуваат променливо облачно време со сончеви периоди и постудено. Претпладне главно во јужните делови ќе има услови за локален снег. Ќе дува слаб до умерен, а долж Повардарието повремено засилен ветер од северен правец. Максималната температура ќе биде во интервал од -1 до 5 степени.
Најстудено утринава било во Маврови Анови каде се измерени -8 степени, по што следуваат Крушево со -7 и Берово со -5 степени.
Највисока снежната покривка е во Дебар и Маврово (25 сантиметри). На Попова Шапка снежната покривка е 21 сантиметар, а во Крушево еден сантиметар.
Ново на Сител
-
Приведен бегалец од затвор, осуден на казна затвор од осум години
-
Столе Попов добитник на наградата „Живојин Жика Павловиќ“ за промоција на балканската кинематографија во светот
-
Посетителка во Зоолошката градина побарала да се тестира за птичји грип
-
Неделков: Вработените во Зоолошката постапиле согласно протоколите, на сметка на тоа се јавно линчувани
-
Таравари: Работиме на децентрализација на Онкологија, да функционира како Институтот за трансфузиологија
-
„Левица“ поднесе кривична пријава против Африм Гаши за законот за бранители
-
Седница на Централното претседателство на ДУИ
-
МВР: Приведени осомничени крадци во Куманово