Укинати забраните за сообраќај за тешки товарни возила на патните правци Крива Паланка - ГП „Деве Баир“ и Кратово - Пробиштип

Од 13:00 часот се укинуваат забраните за сообраќај за тешки товарни возила на патните правци Крива Паланка – Граничен премин „Деве Баир“ и Кратово - Пробиштип, сооопшти денеска ЈП „Македонијапат“. 

Оттаму потсетуваат дека забраната за сообраќај за тешки товарни возила на патниот правец Тетово – Попова Шапка се уште е на сила.

Сообраќајот на државните патишта се одвива во зимски услови, по влажни коловози, наместа со остатоци од кашест снег на коловозот по интервенција на нашите дежурни екипи. Врнежи од снег со променлив интензитет се бележат во западните и  југозападните делови од државата.