УХМР: Следи пороен дожд, грмежи, засилен ветер и појава на град

Денес и утре се уште ќе биде натпросечно топло (со дневни температури околу 30 степени).

Попладне и во вечерните часови, денес локално, а утре на повеќе места, ќе биде нестабилно со пороен дожд, грмежи и засилен ветер, а ќе има услови и за појава на град.

– Значително заладување ќе има во четврток, кога ќе преовладува облачно време со врнежи од дожд, особено претпладне. Ќе дува силен северен ветер, па дневната температура ќе биде и за десет степени пониска во однос на денешната (ќе достигне вредности во интервал од 16 до 23 степени), информираат од Управата за хидрометеоролошки работи.

Од петок до недела времето ќе биде стабилно со умерен северен ветер и со пријатни дневни температури.