УХМР предупредува: Следуваат три жешки денови, а потоа силно невреме

Врнежи за изминатите 24 часа (во л/м 2 ): 1 Прилеп, Тополчани, Д. Капија, Маврово, 2 Пожаране, Штип, 3 Крушево, 4 Тетово, Кр. Паланка, 5 Струмица, 6 Охрид, 7 Претор, 8 Берово, Битола, 10 Дојран, 29 Гевгелија.
Времето денес (30.08 2017 год.): Сончево со мала до умерена облачност. Ќе дува слаб до умерен источен и југоисточен ветер. Максималната температура ќе се движи од 23 до 30 степени. УВ= 7

Во Скопје температура до 30 °C.

Во наредните три дена времето ќе биде сончево и топло со мала до умерена облачност. Особено топло се очекува во петок и сабота, кога на места температурата ќе биде над просекот за овој период од годината.

Промена на времето се очекува во недела, кога под влијание на влажна и нестабилна воздушна маса, ќе биде променливо облачно и нестабилно со локални врнежи од дожд и појава на грмежи. Дневната температура ќе опадне, особено во почетокот од следната недела.