УЕФА се закани со исфрлање на Англија и Русија од ЕП

Европската фудбалска федерација УЕФА во неделата се закани со исфрлување на англиската и руската селекција од европскиот шампионат во Франција, доколку продолжат испадите на нивните навивачи, како на средбата во саботата вечерта на Марсеј.

 

Извршниот одбор на УЕФА ги предупреди и двата сојуза дека нема да се двоуми за новите казни, дури и со исклучување од турнирот на овие репрезентации, доколку нивните навивачи продолжат со дивеењето.

 

Исто така, УЕФА потврди дека Русија ја дисциплинска казна поради тоа што нејзините навивачи ги нападнаа англиските на самиот стадион „Велодром“.

 

Рускиот министер за спорт и претседател на рускиот фудбалски сојуз Виталиј Мутко изјави дека ги повикале навивачите да се однесуваат во согласност со законите, но предупреди дека 12.000 руски навивачи купиле влезници преку ресурсот на УЕФА.