Училиштата во Албанија ќе останат затворени поради студеното време и грипот

Албанија го одложи отворањето на училиштата по новогодишниот одмор поради студеното време и ширењето на грипот. 

Албанското Министерство за здравство предупреди денеска, дека ниските температури ќе ја опфатат целата земја во текот на следните неколку денови и дека има опасност од ширење на вирусните заболувања. 

Министерството нареди детските градинки, основните и средните училишта са бидат затворени во текот на целата недела. 

Метеоролозите предупредија дека температурите ќе паднат до минус 15 степени Целзиусови во текот на викендот и ќе има врнежи на снег во целата земја.