Ученици од Кочани утре ќе примат награда за поетски творби во Трст

Шестмина ученици од 7-1 одделение од ОУ„Никола Карев“ од Кочани заедно со својот ментор Љупка Стојменова, наставник по македонски јазик како наградени на меѓународниот конкурс за поетски творби  под наслов „Замокот на Дуино“ заминаа за Трст, Италија, каде утре треба да ја примат наградата.

- На меѓународниот конкурс учествуваа шест ученици од 7-1 одделение од нашето училиште кои изработија книга со стихови на тема: „Гестот и генезата-природата како слика“. Стиховите се  авторско дело на овие шест ученици кои се презентирани на македонски и италијански јазик, изјави наставничката Стоименова под чие менторство е работена книгата со стихови.

На овој меѓународен конкурс на фоднацијата „Замокот на Дуино“ во Трст, Италија учествувале повеќе земји од светот, а од Македонија се наградени училиштето „Никола Карев“ од Кочани и „Васил Главинов“ од Велес.