Учебник за претприемништво во Централна и Источна Европа
Промоција на учебникот за претприемништво „Кршење на мраз на претприемачки начин: Процеси и студии на случај за успешни претприемачи од Централна и Источна Европа“ ќе се одржи денеска во Скопје во просториите на компанијата ФХ3Х.
Повод е застапеноста на ФХ3Х во учебникот како една од 15-те успешни приказни, кои меѓудругото ја отсликуваат бизнис климата во Европа и тешките услови за освојување на светските пазари.
Автори на универзитетскиот учебник се Џулија Пратс, Марк Сосна и Силвија Шишко – Романчук, а издавач е светскиот издавач Пелгрејв Мекмилан.
На промоцијата ќе се обратат Илијана Петровска, продекан за образование од Универзитет Американ колеџ од Скопје и Марк Сосна од ИЕСЕ Бизнис школа, Шпанија & Технички универзитет Берлин, Германија, еден од авторите на учебникот.
Предвидено е на сопствениците на ФХ3Х Кристијан Даниловски и Миливоје Ѓорѓевиќ да им биде врачен примерок од учебникот, потпишан од светки признатиот претприемач Берт Твалфховен. За искуството во создавањето и развојот на компанијата ќе зборува Даниловски.
На иницијатива на Универзитетот Американ колеџ Скопје, ФХ3Х беше номиниран и прогласен за Европски шампион за претприемништво од Меѓународниот академски совет при Европска фондација за претприемачки развој во Варшава во 2011 година, заедно со уште 24 компании од Централна и Источна Европа
Ново на Сител
-
МВР има нови осомничени за хибридни закани врз државата
-
Мицкоски по условната пресуда за Онкологија: Судиите и обвинителите не ги заслужуваат ниту овие плати
-
СДСМ бара оставка од министерката Јаневска, голем број ученици се уште немаат учебници
-
Експерти: Системската корупција останува проблем кој сериозно влијае на безбедноста на државата
-
Тутунарите се надеваат на добри откупни цени на тутунот
-
Повеќе од 5.000 апликации за земјоделски субвенции во Струмица
-
За три месеци 94 сообраќајни незгоди
-
Преглед на вестите од светот