Уапсени двајца скопјани: Претепале судија по кадетски натпревар меѓу Шкендија и Вардар

Вчера на фудбалски натпревар од младинска лига помеѓу Шкендија и Вардар две лица се уапсени откако едниот се викал и се однесувал агресивно а другиот го нападнал фудбалскиот судија. Како што соопштија од МВР:

„На 06.11.2021 во 13.05 часот полициски службеници на СВР Тетово ги привеле во полицска станица А.Н.(45) и Т.Ф.(42), и двајцата од Скопје. А.Н. бил приведен поради нарушување на јавниот ред и мир со викање и непристојно однесување, а Т.Ф. затоа што физички го нападнал фудбалскиот судија Ј.Б. по завршување на фудбалскиот натпревар од младинската суперлига помеѓу Шкендија и Вардар.

По документирање на случајот против нив ќе биде поднесен соодветен поднесок“, велат од МВР.