Уапсени 24 лица во Црна Гора поради шверц на 2,5 тони марихуана
Во обемната полициска акција на „Замка“ во Црна Гора, денес беа уапсени 24 лица, кои се товарат за шверц на 2,5 тони марихуана.
Акцијата ја спроведоа службениците на Секторот за борба против организиран криминал и корупција - Одделот за борба против шверц на дрога.
Во полициското соопштение се наведува дека организаторите и членовите на криминалната организација обвинети за криумчарење големи количини марихуана, од правец на Албанија, преку територијата на Црна Гора, во земјите од регионот и понатаму кон земјите од Европската унија, биле уапсен.
Во досегашната истрага, со пресекување на шверцерските патишта што ги користеле членовите на оваа криминална група во 11 индивидуални заплени, била пронајдена и одземена половина тон марихуана.
Наведено е дека во обемната акција учествувале 180 полицајци - припадници на Специјалниот полициски сектор, Граничната полициска станица Улцињ и безбедносните центри во Никшиќ, Херцег Нови, Бар и Подгорица.
За време на акцијата биле одземени пет возила, глисер, пиштол и ловечка пушка, како и вага за прецизно мерење, пари, неколку телефони и СИМ-картички.
Ново на Сител
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница