Уапсен маж кој пукал кон мајка и дете во хотел во Мајами оти не држеле дистанца

 Еден маж е уапсен откако пукал на мајка и син во хотел во Мајами Бич, Флорида, изнервиран бидејќи не ги почитувале мерките за физичка дистанца.

„Вие не се придржувате кон мерката за физичко дистанцирање“, вели Даглас Маркс (47) од Мајами во писмената изјава, до која локалните медиуми имале пристап.

Тој потоа им рекол на Вероника Пен и нејзиниот син, туристи кои дошле на Флорида од Мексико, дека мора да го напуштат хотелот, по што извадил огнено оружје и испукал неколку истрели во холот на хотелот.

Никој не е повреден во пукањето, што се случи во вторникот вечерта, пренесува Дејли Меил.

Маркс признал дека пукал, но на детективите им изјавил дека тоа го сторил бидејќи го следеле.