Уапсен е убиецот од Гостивар

Попладнево околу 17 часот и 30 минути полициски службеници на СВР Тетово го лишиле од слобода 67-годишниот Б.И, осомничен за вчерашното убиство на неговата 60-годишна сопруга во гостиварската населба Бањешница. Сопругот бил пронајден на шумски пат над гостиварското село Страјане, на пат кој го поврзува со село Трново.

Како што информираа за Сител од СВР Тетово, при приведувањето осомничениот не дал отпор.

Тој е однесен во полициската станица Гостивар, од каде утре во координација со Јавниот обвинител и со соодветен поднесок ќе биде изведен пред судија на претходна постапка.

Б.И се сомничи дека со нож и секира ја убил неговата сопруга по што избегал. Полицијата трагаше по него од вчера изутрината.

Според полицијата, причина за крвавиот чин во Гостивар се нарушени семејни односи.

Горан Симоновски